الدكتورة سارة كمال زمن الأكل في المشلعيب زمن المروق للسمحة عيب
الدكتورة سارة كمال
زمن الأكل في المشلعيب
زمن المروق للسمحة عيب
زمن القعاد تحت الدليب
زمن الرقاد في العنقريب !!
زمن البيوت جالوص وطين
بالحيطة بيمدوا العجين !!
زمن الشياب متكومين
في الرادي عند حاج الأمين
زمن الجواب بجي بالبريد
زمن النفوس كاسيها ريد
زمن الجهال بقرأوا النشيد
زمن العرش كان الجريد ! ..
زمن الرسائل بالجواب
زمن البيوت ما فيها باب
زمن الدعاهم مستجاب
زمن الكرم ما قالوا غاب
زمن اللعب سيجا وشليل
زمن البقع بيشيلوه شيل
زمن البيرفعوا للتقيل !!
زمن الكبير كان الدليل
زمن البلد ما فيها غش
زمن العمر ما كان بمش
زمن المرق كان العرش
زمن الجنا البرعى وبهش
زمن الزرايب والغنم
زمن الرجال بفدوها دم
زمن الولد واقف صنم
زمن الشعر كان كله نم
زمن البيوت مسقوفة قش
زمن الجنا الما قالوا هش !!
زمن العدو البتحرقه تش
زمن البلوم ماعنده وش
زمن العرس بي فد هدم
زمن اللكان ناقص بتم
زمن السمح ما بنكتم
زمن الدهب مختوم ختم
زمن البنات هاديات طباع
زمن العرض ما قالوا ضاع
زمن السلام في كل قطاع
زمن الزواج بالمستطاع !! ..
زمن الحريم بالجد حريم
زمن الودك كان الكريم
زمن التحجي حمد وريم
تلقاها يومي حامدة الكريم...
زمن بسيط من ملامحنا البسيطه..
زمن الأكل في المشلعيب
زمن المروق للسمحة عيب
زمن القعاد تحت الدليب
زمن الرقاد في العنقريب !!
زمن البيوت جالوص وطين
بالحيطة بيمدوا العجين !!
زمن الشياب متكومين
في الرادي عند حاج الأمين
زمن الجواب بجي بالبريد
زمن النفوس كاسيها ريد
زمن الجهال بقرأوا النشيد
زمن العرش كان الجريد ! ..
زمن الرسائل بالجواب
زمن البيوت ما فيها باب
زمن الدعاهم مستجاب
زمن الكرم ما قالوا غاب
زمن اللعب سيجا وشليل
زمن البقع بيشيلوه شيل
زمن البيرفعوا للتقيل !!
زمن الكبير كان الدليل
زمن البلد ما فيها غش
زمن العمر ما كان بمش
زمن المرق كان العرش
زمن الجنا البرعى وبهش
زمن الزرايب والغنم
زمن الرجال بفدوها دم
زمن الولد واقف صنم
زمن الشعر كان كله نم
زمن البيوت مسقوفة قش
زمن الجنا الما قالوا هش !!
زمن العدو البتحرقه تش
زمن البلوم ماعنده وش
زمن العرس بي فد هدم
زمن اللكان ناقص بتم
زمن السمح ما بنكتم
زمن الدهب مختوم ختم
زمن البنات هاديات طباع
زمن العرض ما قالوا ضاع
زمن السلام في كل قطاع
زمن الزواج بالمستطاع !! ..
زمن الحريم بالجد حريم
زمن الودك كان الكريم
زمن التحجي حمد وريم
تلقاها يومي حامدة الكريم...
زمن بسيط من ملامحنا البسيطه..