د. حامد الشطري · قصيدتي المعلم المعلم والحصار ..اختصار لنضال المعلم وتضحياته..
د. حامد الشطري
·
قصيدتي المعلم
المعلم والحصار ..اختصار لنضال المعلم وتضحياته..
الى اساتذتي كافة ..
قيام....يحيا المعلم
صفگوا كلكم للرمز
يحيا المعلم..
يلا نوگف باحترام..
لكل دقيقة لكل مواعيده التزام..
تذكر ايام الحصار...
دارت الدنيه بدوائرها عليك..
وابد ماضاع احترامك من اديك..
لملمت كل الحزم شديت روحك
اگبال طلابك ولا مره انثنيت..
اني ادريبك قريت الجوع
وسط اعيونهن سورة خبز..
واني ادري الجوع سيف..
وحدر ضلعينك يحز..
لكن بگلبك رساله
وموقف الوالد..وطن..
واتراب والطبشور يكتب اية
الرحمن والمبدأ مقدس...
اهوايه جانوا يشهرون بوجه
طبشورك مسدس...
وانت من تكتب عدس..
تتحاشه جوعك يكشف ادموعك..
حصار....
وماتريد ابين طلابك يفض درسك
سوالف واختصار...
جانت الگصة وعرگها البيك مذهب
وجان حجيك علم واخلاق وحجي
شمحلاه امذهب..
عمري كله ماشفت نخله
تجهبك..
توكف بصفك تضيع...
عمري كله ما شفت
مره المعلم ....
يحترم واحد وضيع..
تبقه شامخ والوطن
تمثالك بنص الوطن ..
جف رافعه الرايه تسلم..
فوگ تاج احروفها..
ابيض حمامه وغصن زيتون..
وخريطة...
·
قصيدتي المعلم
المعلم والحصار ..اختصار لنضال المعلم وتضحياته..
الى اساتذتي كافة ..
قيام....يحيا المعلم
صفگوا كلكم للرمز
يحيا المعلم..
يلا نوگف باحترام..
لكل دقيقة لكل مواعيده التزام..
تذكر ايام الحصار...
دارت الدنيه بدوائرها عليك..
وابد ماضاع احترامك من اديك..
لملمت كل الحزم شديت روحك
اگبال طلابك ولا مره انثنيت..
اني ادريبك قريت الجوع
وسط اعيونهن سورة خبز..
واني ادري الجوع سيف..
وحدر ضلعينك يحز..
لكن بگلبك رساله
وموقف الوالد..وطن..
واتراب والطبشور يكتب اية
الرحمن والمبدأ مقدس...
اهوايه جانوا يشهرون بوجه
طبشورك مسدس...
وانت من تكتب عدس..
تتحاشه جوعك يكشف ادموعك..
حصار....
وماتريد ابين طلابك يفض درسك
سوالف واختصار...
جانت الگصة وعرگها البيك مذهب
وجان حجيك علم واخلاق وحجي
شمحلاه امذهب..
عمري كله ماشفت نخله
تجهبك..
توكف بصفك تضيع...
عمري كله ما شفت
مره المعلم ....
يحترم واحد وضيع..
تبقه شامخ والوطن
تمثالك بنص الوطن ..
جف رافعه الرايه تسلم..
فوگ تاج احروفها..
ابيض حمامه وغصن زيتون..
وخريطة...