هالة محمود أحمد من ديوان " الهويس" دنيا ليها ألف إيد
هالة محمود أحمد من ديوان " الهويس" دنيا ليها ألف إيد
هالة محمود أحمد
من ديوان " الهويس"
دنيا ليها ألف إيد
إيد تطبطب
وإيد تعادي
إيد بتغدر
وإيد تدادي
إيد تنجي من حريق
وإيد بإيدها تكون غريق
إيد تسلم الأصيل
تسليم أهالي
وإيد تعلي ف العويل
ومعاه غناوي
إيد بتبدع ف الخناق
وإيد تعادي ف اللي غاوي
إيد بتدخل ف الخناقة
تخلص ساعات
وساعات بتحرق ف اللي باقي
وتنشر رفات
دنيا تشبه أخطبوط
بكتير أيادي
بس كل يد فيهم
بطبع سادي
دنيا تشبه من زمان
كل الديابة
عين تغمض وقت نومها
وعين بتقتل ف الطيابة
حتى وهي نايمة نابها
ينز منه دم الغلابة
ولو ف يوم الزمهارير
شديت لحافها لجل تدفا
تلقى نفسك عريان
ف غابة
دي دنيا أزمة
ملهاشي لازمة
بتمر بينا نفتح عنيننا
نلاقيها غادرة
وف لحظة قادرة
تلوم تحاسب
وللكل عازمة
#هالةمحمودHM
من ديوان " الهويس"
دنيا ليها ألف إيد
إيد تطبطب
وإيد تعادي
إيد بتغدر
وإيد تدادي
إيد تنجي من حريق
وإيد بإيدها تكون غريق
إيد تسلم الأصيل
تسليم أهالي
وإيد تعلي ف العويل
ومعاه غناوي
إيد بتبدع ف الخناق
وإيد تعادي ف اللي غاوي
إيد بتدخل ف الخناقة
تخلص ساعات
وساعات بتحرق ف اللي باقي
وتنشر رفات
دنيا تشبه أخطبوط
بكتير أيادي
بس كل يد فيهم
بطبع سادي
دنيا تشبه من زمان
كل الديابة
عين تغمض وقت نومها
وعين بتقتل ف الطيابة
حتى وهي نايمة نابها
ينز منه دم الغلابة
ولو ف يوم الزمهارير
شديت لحافها لجل تدفا
تلقى نفسك عريان
ف غابة
دي دنيا أزمة
ملهاشي لازمة
بتمر بينا نفتح عنيننا
نلاقيها غادرة
وف لحظة قادرة
تلوم تحاسب
وللكل عازمة
#هالةمحمودHM