Walid Abdallah كنت فى دبى وقررت أروح مسقط بسلطنة عمان . المسافة ٤ ساعات بالعربية وبدون تأشيرة
Walid Abdallah
كنت فى دبى وقررت أروح مسقط بسلطنة عمان .
المسافة ٤ ساعات بالعربية وبدون تأشيرة
أول ما وصلت إتغديت فى مطعم إسمه روزنا . المطعم كأنه قلعة أو حصن . إتفرجوا عليه وسط الصور
مسقط هادية جدا وممتعة ورايقة الأماكن اللى زورتها هى مسجد السلطان قابوس والكورنيش وسوق مطرح وقلعة مطرح ودخلت مطعم مشهور هناك إسمه بيت اللبان.
أما أشهر الأكلات اللى جربتها فى عمان هى :
الشواء العماني وده لحم مطهى في حفرة تحت الأرض لمدة ٦ ساعات
المكبوس وده طبق رز متبل بالبهارات العماني بالفراخ أو اللحمه
العرسية وده رز مهروس مع اللحم.
وشربت المياه اللى باللبان ????
البلد مشهور باللبان الدكر قوى وبيعملوا منه كذا حاجة لدرجة إن المطاعم اللى دخلتها كانوا بيقدمولنا المياه بطعم اللبان
أما عن شعب عمان بيحبوا المصريين جدا وبيرحبوا بيهم .
وأنا فى الطريق كنت فى ريست بجيب حاجة أشربها وسناكس وأحد أهالى عمان عرف إنى مصرى ومرضيش يخلينى أدفع حاجة ????????????
تشكر يا ذووووق ????????????
الحارة بيسموها زقاق والشارع بيسموه سكه . شوفوا اللافتات
ثمرة مشروب جوز الهند منتشره هناك جدا فى كل المحلات كأنك فى تايلاند أو سريلانكا .
تانى يوم الصبح طلعت على جزيرة إسمها الديمانيات بتبقى رحلة يخت صغير لمدة ٤ ساعات والناس بتعمل هناك سنوركيلينج عشان تشوف السلاحف . خلصت الجزيرة وأخدت العربية وطلعت على صلالة
ودى المسافة بينها وبين مسقط 10 ساعات سواقة بالعربية .
هحكيلكم عن صلالة وجمالها كمان يومين لما أظبط صورها وأسيبكم تستمتعوا بصور مسقط . كلها تصويرى ????????????????
وشكرا لشعب سلطنة عمان جميعا
