هيام التوم لما كانوا ولادي زغار وكان نهاري يبلش ٦ الصبح ويخلص ١٢ بالليل بين دوام المستشفى والرجعة عالبيت مع البنات م
هيام التوم
لما كانوا ولادي زغار وكان نهاري يبلش ٦ الصبح ويخلص ١٢ بالليل بين دوام المستشفى والرجعة عالبيت مع البنات من المدرسة وغدا وتدريس ومرضى بروح لعندن بعد الضهر وطبخ وتصريف أعمال البيت، بذكر مرة دقيت ع بيت خالي لسلم عليهن لإن كان عندي مريضة بنفس البناية وصارت سعدى اللي بحبا قد الدني تترجاني فوت إشرب قهوة قلتلا لا البنات مع بيهن قالتلي "إي وانت بالكازينو" وكملت وهي هم تطلع بعيوني "ليكي ما توطي حتى ما حدا يركب ع ضهرك" بوقتا استغربت ليش عم تقلي هيك بس طلع معها كل الحق... المهم مش هون الخبرية فتت اشرب قهوة لقيت في كتاب مفتوح عالصوفا مطرح ما كانت قاعدة قلتلا بحرقة "نيالك، يا الله ما عم يصرلي اتنفس بدي اقرا" قالتلي "يا خالو بكرا بصير عندك كل الوقت كانوا ٤ معبايين البيت هلق رجعنا لحالنا وعم اتسلى بالقراية" من وقتا وأنا في جواتي حلم إنو بكرا لما إطلع من الشغل عالعمر رح قضي كل وقتي عم اقرا واكتب ومن وقتا انتبهت وصرت ادعي يا رب بعرف بدي ختير بس خليلي عيوني...
بعرف كل الحواس مهمين بس عيوني عندن أهمية الحلم
لما يجي لعندي مريض كل حياتو الرياضة ما بقدر اكتفي رجعلو كتفو او إجرو لحدود قضاء حاجات شخص مش رياضي لإنو شغفو وحلمو مرتبط بالرياضة.
ما بعرف شو بدو الله مني أعمل بس بعرف إنو عملية أول عين مش كتير ناجحة وعم شوف فيها ٣ ع ١٠ والتانية صارت الماي الزرقا مكتملة فيها ولازملا عملية لانها عم تشوف ٤ ع ١٠ بس أنا فعلا مرعوبة وما عم ارحم حالي عم حاول خلص كل الاستحقاقات خلصت الرواية وقدمت مشروع رسالة الماستر وعندي امتحانين ب نص تموز لقرر موعد العملية. بس بيمرق عليي لحظات بنرعب متل كإنوا حدا رح يقشطني العمر اللي بدي اتفرغ فيه لأكتر شي بحبو الوقت اللي رح إسعى فيه إترك هيام هون بعد ما تروح ... كإنو حدا رح ياخد سلاحي اللي رح حارب فيه الوحدة والكهولة والفراغ والملل وانتقم من عمر كنت بحب كون فيه متفرغة لشعفي وحلمي.... أكيد إذا الله عطاني عمر...
لما كانوا ولادي زغار وكان نهاري يبلش ٦ الصبح ويخلص ١٢ بالليل بين دوام المستشفى والرجعة عالبيت مع البنات من المدرسة وغدا وتدريس ومرضى بروح لعندن بعد الضهر وطبخ وتصريف أعمال البيت، بذكر مرة دقيت ع بيت خالي لسلم عليهن لإن كان عندي مريضة بنفس البناية وصارت سعدى اللي بحبا قد الدني تترجاني فوت إشرب قهوة قلتلا لا البنات مع بيهن قالتلي "إي وانت بالكازينو" وكملت وهي هم تطلع بعيوني "ليكي ما توطي حتى ما حدا يركب ع ضهرك" بوقتا استغربت ليش عم تقلي هيك بس طلع معها كل الحق... المهم مش هون الخبرية فتت اشرب قهوة لقيت في كتاب مفتوح عالصوفا مطرح ما كانت قاعدة قلتلا بحرقة "نيالك، يا الله ما عم يصرلي اتنفس بدي اقرا" قالتلي "يا خالو بكرا بصير عندك كل الوقت كانوا ٤ معبايين البيت هلق رجعنا لحالنا وعم اتسلى بالقراية" من وقتا وأنا في جواتي حلم إنو بكرا لما إطلع من الشغل عالعمر رح قضي كل وقتي عم اقرا واكتب ومن وقتا انتبهت وصرت ادعي يا رب بعرف بدي ختير بس خليلي عيوني...
بعرف كل الحواس مهمين بس عيوني عندن أهمية الحلم
لما يجي لعندي مريض كل حياتو الرياضة ما بقدر اكتفي رجعلو كتفو او إجرو لحدود قضاء حاجات شخص مش رياضي لإنو شغفو وحلمو مرتبط بالرياضة.
ما بعرف شو بدو الله مني أعمل بس بعرف إنو عملية أول عين مش كتير ناجحة وعم شوف فيها ٣ ع ١٠ والتانية صارت الماي الزرقا مكتملة فيها ولازملا عملية لانها عم تشوف ٤ ع ١٠ بس أنا فعلا مرعوبة وما عم ارحم حالي عم حاول خلص كل الاستحقاقات خلصت الرواية وقدمت مشروع رسالة الماستر وعندي امتحانين ب نص تموز لقرر موعد العملية. بس بيمرق عليي لحظات بنرعب متل كإنوا حدا رح يقشطني العمر اللي بدي اتفرغ فيه لأكتر شي بحبو الوقت اللي رح إسعى فيه إترك هيام هون بعد ما تروح ... كإنو حدا رح ياخد سلاحي اللي رح حارب فيه الوحدة والكهولة والفراغ والملل وانتقم من عمر كنت بحب كون فيه متفرغة لشعفي وحلمي.... أكيد إذا الله عطاني عمر...