مالك
مالك؟!
احكيلي يلا فضفضي
ما أنا زي ابنك بلاش تستغربي
مكسوفه ؟!
إني اشوف ايديكي متشققين
مكسوفة ؟!
اشوف عنيكي الدبلانين
احكيلي يلا فضفضي
هاتي اللي عندك بلاش تهربي
ما أنا بردو زيك
بلاش يغرك لبسي الجديد
ولمعة شعري وساعتي الحديد
ما أنا قلبي بيشبهگ متشقق كمان
مجروح بينزف وحيد من زمان
احكيلي يلا فضفضي
احكيلي بلاش تستغربي
باعوكي الحبايب؟ لحضن الحبايب!
ما القسوة بقيت كاس بس اللي شارب
احكيلي يلا فضفضي
احكيلي بلاش تستغربي
الدنيا باخت واتغيرت
أحلامنا ماتت والفرحة تاهت
وقلوبنا نشفت اتحجرت
معاكي حق ما أنا زيك كمان
احلامي حتى اتبخرت
ابكي يا بلدي اروي ترابك
ما الارض نشفت اتشققت
احكيلي يلا فضفضي
ما أنا زي ابنك بلاش تستغربي
بقلمي
زكريا ضاحي توفيق
مصر