مصر عاليه
مصر عالية
لما الليل غطا السحاب
والنجوم فتحت الباب
كنت ماشية في طريقى
و دموعى هما الصحاب
على الخدود لؤلؤ حزين
من عيونى الدبلانين
والقلب بيتنهد آهات وانين
حد جه رما السلام
وبدأ معايا الكلام
ليه عيونك متغربين
في مكانهم مش موجودين
سرحانين
في أبعد مكان
ولقيت ايد بطبطب
على كتفى بابتسامة
تفرح قلبى الحزين
قولت الله على الدفا
فيكى يا أرض الوفا
مين زيك انتى يا عروسه
دايما من العين محروسه
فيكى حضارات سنين موروثه
لما تتعب في الطريق
تلاقى الف صديق
يمد أيده يوقفك
ويوصلك لأى طريق
يا مصر انتى نهر النيل
انتى الأهرامات
وأبو الهول الجميل
انتى مقبرة للغزاه
الظالمين
الحاقدين
مذكورة في القرآن
محمية من الرحمن
ولادك خير الجنود
على الحدود
واقفين اسود
يحموا ترابك
والسدود
بكل نقطة دم فيهم
من النخاع للوريد
مصر هتفضل أم الدنيا
رغم كل ايد خاينه
عاوزة تطولها
وتهد منها
طول ما فيها
ضماير صاحية
وعزم ولادها
واجيالها الجايه
بيهم هتبنى كل آمالها
مصر غاليه
وهتفضل عاليه
بقلم.. صباح ضاحى