احنا في نعمه
إحنا ف نعمة
إحنا ف نعمة وألا ف نقمة ؟
لما نكون لاقيين اللقمة
حاسين ف حياتنا بأمان
مش شايفيين غير نقطة ضلمة
الناس ماشية عادي ف الشارع
لا بتتقاتل ولا تتصراع
ولا ف إيديهم أي سلاح
ولافيه بينهم أي موانع
لا في فصايل ولا كيانات
ولا مرتزقة ولا عصابات
ولا كام فرقة ليها مطامع
وبيتناحروا علي الثروات
ومفيش قتل ودم مالينا
غيرش ولادنا بس ف سينا
ماتوا وعند الخالق شهدا
قدموا روحهم إهداء لينا
علشان نفضل فيها عايشين
ونحارب قلالاة الدين
ومن بعديهم ناخد تارهم
ونهزم شلة ناس مجانيين
وبنبني عشان المستقبل
وبكره وبعده يكونوا الأجمل
مش شعارات وكلام ف أغاني
مشاريع قامت ولازم تكمل
فيه أشخاص مش حاسه النعمة
بيوروا للناس العتمة
مع إنهاعايشة ف نعيم
وتشوفهم علي سنجة عشرة
إيه يعني شوية أزمات
وف بعض شوارع خناقات
هنعديها بإذن الله
مش هنشوف أي تنازلات
ألف تحية للي حامينا
جيش أو شرطة حدود أو مينا
وف كل شوارعك يا بلادي
يسلم أحمد ومعاه مينا
إحنا ف نعمة